 |
РОДНЫЯ ВОБРАЗЫ
|
|
Вобразы мілыя роднага краю,
Смутак і радасьць мая!..
Якуб Колас
|
|
|
|
|
|
|
|
|
|
Я ведаю – нават за лёс чалавечы
Ня зьменяцца людзі да мовы сваёй.
Я ўсё разумею –
а сэрца трапеча
Такім нецярпеньнем і жальбай такой!
Здаецца – што варта
прыўзьняцца
і крыкнуць
Прачулыя словы пра мову, пра лёс,
I ўсе адгукнуцца;
I мёртвая Прыпяць
Прачнецца ў лілеях і брошках стракоз.
Я ўсё разумею –
што трэба па кроплі
Дзяўбці між народам і мовай муры.
Ды толькі на гэта
жыцьця нам ня хопіць.
Таму і душа нецярпеньнем гарыць.
Я ўсё разумею:
што столькі стагодзьдзяў
Нас жорстка вучылі цярпець і маўчаць.
Я ўсё разумею!
Ды толькі – ці згодзен
Так доўга наш край шматпакутны
чакаць?
|
|
|
|
Падабаецца
Не падабаецца
|
|
|
2009–2020. Беларусь, Менск.
|
|
|
